Azərbaycanın müdafiə nazirinin Litvaya və Latviyaya rəsmi səfəri başlayıb
Bakı, 1 iyul, AZƏRTAC
Azərbaycan Respublikasının müdafiə naziri, general-polkovnik Zakir Həsənov Litva və Latviya respublikalarına rəsmi səfərə yola düşüb.
Müdafiə Nazirliyinin mətbuat xidmətindən AZƏRTAC-a bildiriblər ki, nazir iyulun 1-dən 2-dək Litvada, iyulun 2-dən 4-dək isə Latviyada səfərdə olacaq.
Səfər çərçivəsində hər iki ölkənin rəhbərliyi ilə bir sıra görüşlərin keçirilməsi, ikitərəfli hərbi əməkdaşlığın perspektiv istiqamətlərinin müzakirə edilməsi, təhlükəsizlik və digər məsələlərə dair fikir mübadiləsinin aparılması planlaşdırılır.
Bölmənin digər xəbərləri
