AZƏRBAYCANLI RƏSSAM BEYNƏLXALQ KARİKATURA MÜSABİQƏSİNİN HƏVƏSLƏNDİRİCİ MÜKAFATINI ALMIŞDIR
AZƏRTAC xəbər verir ki, Azərbaycanın karikaturaçı rəssamı Bayram Hacızadə İsraildə keçirilən 14-cü Beynəlxalq karikatura müsabiqəsində həvəsləndirici mükafat almışdır.
“60 yaşdan sonra yeni həyat başlanır” mövzusuna həsr olunmuş müsabiqədə 60 ölkədən göndərilən 1000-ə yaxın əsər nümayiş etdirilmişdir.
Ukrayna, Fransa və İtaliyadan olan karikaturaçılar müsabiqənin qalibləri olmuşlar.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, İsrailin Hayfa şəhərində 1994-cü ildən etibarən keçirilən müsabiqəni MDB ölkələrindən getmiş rəssamların “Penkom” Assosiasiyası və Hayfa şəhər bələdiyyəsi təşkil edir.
Bölmənin digər xəbərləri
