Benilüks Azərbaycanlıları Konqresinin sədri iqtisadi forumda və antiböhran konfransında iştirak edəcəkdir
Paris, 20 may (AZƏRTAC). Mərkəzi mənzil-qərargahı Amsterdamda yerləşən Benilüks Azərbaycanlıları Konqresindən (BAK) bildirmişlər ki, qurumun sədri Sahil Qasımov mayın 21-23-də Qazaxıstanın paytaxtında keçiriləcək VII Astana İqtisadi Forumunda və Dünya Antiböhran Konfransında iştirak etmək üçün təşkilatçılardan dəvət almışdır.
VII Astana Forumunun prezidenti Murat Karimsakov tərəfindən rəsmən dəvət edilən S.Qasımov forumun işində yaxından iştirak etməklə yanaşı, Astanaya səfəri çərçivəsində bir neçə ikitərəfli görüşlər keçirməyi də nəzərdə tutmuşdur.
Forumda tanınmış siyasətçilər və Nobel mükafatı laureatları iştirak edəcəklər.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
