Beynəlxalq Ətraf Mühitin Mühafizəsi Günü ilə əlaqədar sorğu aparılmışdır
Bakı, 3 iyun (AZƏRTAC). 5 İyun - Beynəlxalq Ətraf Mühitin Mühafizəsi Günü BMT-nin 1972-ci ildə ekologiya ilə bağlı keçirdiyi konfransda Yaponiya və Seneqal dövlətlərinin təklifi ilə təsis olunmuşdur. Bu gün ictimaiyyətin diqqətini təbiətin qorunması məsələlərinə cəlb etmək üçün hər il bütün dünyada qeyd edilir.
AZƏRTAC xəbər verir ki, bu münasibətlə iyunun 3-də Azərbaycan Respublikası Dövlət Neft Şirkətinin Ekologiya İdarəsi Park Bulvar Alış-Veriş Mərkəzi və “Beauttech” gözəllik texnologiyaları ilə birgə ekoloji aksiya keçirmişdir.
Ekoloji maarifləndirmə və təbliğat məqsədi ilə Park Bulvarda “Yaşıl zona” quraşdırılmış və əhali arasında sorğular aparılmışdır. ARDNŞ-in Ekologiya İdarəsinin hazırladığı 6 suala düzgün cavab verənlərə hədiyyələr təqdim edilmişdir.
######
Bölmənin digər xəbərləri
