Bir sıra şirkətlərə turizm fəaliyyəti ilə məşğul olmaq üçün lisenziya verilmişdir
Bakı, 09 dekabr (AZƏRTAC). Nazirlər Kabinetinin təsdiq etdiyi müvafiq qərarlara əsasən, Mədəniyyət və Turizm Nazirliyi tərəfindən 2012-ci ilin noyabrında bir sıra şirkətlərə turizm fəaliyyəti ilə məşğul olmaq üçün lisenziya verilmişdir.
Nazirlikdən AZƏRTAC-a bildirmişlər ki, ötən ay xüsusi razılıq almış şirkətlər arasında Bakı şəhərində yerləşən “Volcano Turizm Agentliyi”, “Bakı Turizm Ekskursiya”, “Detour”, “Nur Travel”, “Atropatena Travel”, Gəncə şəhərində yerləşən “Sport Luxury” MMC-lər vardır.
Müvafiq qanunvericiliyə uyğun olaraq “Fly Travel” MMC-nin filialına turizm fəaliyyəti ilə məşğul olmaq üçün verilmiş lisenziya ləğv edilmişdir.
Bölmənin digər xəbərləri
