Borcu yaranmış abonentlərin elektrik enerjisi təchizatı dayandırılacaq
Bakı, 17 dekabr, AZƏRTAC
“Bakıelektrikşəbəkə” ASC-nin fəaliyyəti dövründə debütor borcu yaranmış abonentlərin elektrik enerjisi təchizatı dekabrın 22-də saat 12:00-dan etibarən müvafiq qanunvericiliyə uyğun qeyri-şərtsiz və fərdi qaydada dayandırılacaq.
Səhmdar Cəmiyyətindən AZƏRTAC-a bildirilib ki, enerji təchizatı dayandırılmış abonentlər haqqında informasiya bazasında müvafiq qeydlər aparılacaq və borc ödənilmədən şəbəkəyə özbaşına qoşulma hallarının olmaması üçün reydlər keçiriləcək, şəbəkəyə özbaşına qoşulması hallarına yol vermiş şəxslər məsuliyyətə cəlb olunacaq. Elektrik enerjisi təchizatı ilə bağlı abonentlərin hər hansı problem yaşamamaları üçün istifadə olunmuş elektrik enerjisi haqlarının dərhal ödənilməsi xahiş olunur.
Bölmənin digər xəbərləri
