Azərbaycan Dövlət İnformasiya Agentliyi

İDMAN

CƏNUBİ KOREYA ALPİNİSTİ EVERESTİ FƏTH ETDİ

24.05.2004 [18:27]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Cənubi koreyalı alpinist qadın öz ölkəsində dünyanın ən yüksək dağ zirvəsi olan Everesti (Comolunqmanı) təkbaşına fəth etmiş ilk qadındır. 1993-cü ildə Koreya Respublikasından üç idmançı qadın bu zirvəyə qalxmışdı, lakin onlar bunu birlikdə etmişdilər.

38 yaşlı O İn Son mayın 20-də 8848 metr hündürlüyündə zirvəyə qalxmışdır. O, 8300 metr hündürlükdəki axırıncı düşərgəsini tərk edərək, 11 saatdan sonra şimal-şərq marşrutu ilə zirvəyə çatmışdır.

Cəsur koreyalı qadın planetimizin bütün qitələrinin ən hündür zirvələrini fəth etmək niyyətindədir. Comolunqma onun dördüncü qələbəsidir. Qarşıda isə Sonu Afrikanın buzlaqlarla örtülmüş Kilimancaro vulkanı (5995 metr) gözləyir.