FACİƏ QURBANLARININ XATİRƏSİNƏ EHSAN VERİLƏCƏK
AZƏRTAC-ın xüsusi müxbiri xəbər verir ki, bir il əvvəl Moskvadakı Basman bazarında dam örtüyünün çökməsi nəticəsində əksəriyyəti gəncəli olan 47 soydaşımız həlak olmuşdur.
Ümumrusiya Azərbaycan Konqresi icra aparatının direktoru Eldar Quliyev AZƏRTAC-ın müxbirinə bildirmişdir ki, Azərbaycan diasporu faciə yerinə əklilqoyma mərasimində iştirak etmişdir. Bundan əlavə, milli adətimizə görə ehsan veriləcəkdir. E.Quliyev demişdir ki, Gəncə İcra Hakimiyyətinin başçısı Eldar Əzizov Konqresə gəncəlilər adından məktub göndərmişdir. Məktubda deyilir ki, 2006-cı il fevralın 23-ü xalqımızın tarixinin ağrılı səhifələrindəndir. Həmvətənlərimizin faciəli ölümü hamımızı kədərləndirir. Məktubda həmvətənlərimizin cənazələrinin Vətənə gətirilib adət-ənənələrimizə uyğun dəfn edilməsi, onların doğmalarına və yaxınlarına yardım olunması üçün Prezident İlham Əliyevin bilavasitə tapşırığı ilə görülmüş tədbirlər xüsusi vurğulanır.
Bölmənin digər xəbərləri
