FİFA ÜMUMDÜNYA ANTİDOPİNQ MƏCƏLLƏSİNƏ QOŞULMUŞDUR
Dik Paund bu hadisəni şərh edərək demişdir: “Bu, bütün idman üçün və dopinqlə mübarizədə əlamətdar və unudulmaz gündür”.
Beləliklə, FİFA futbolun Afina Olimpiadasının proqramından çıxarılması təhlükəsi qarşısında dopinqlə mübarizənin dünya idmanında hamılıqla qəbul edilmiş qaydaları ilə razılaşmışdır. Bu qaydalara görə, yasaqlanmış preparatın qəbulunda ifşa olunmuş hər hansı atlet idmandan avtomatik surətdə iki il müddətinə uzaqlaşdırılır.
FİFA futbolda stimulyatorların qəbulu ilə mübarizəyə dair öz prinsiplərini son nöqtəsinədək müdafiə edərək, dopinq yoxlamasının hər bir müsbət nəticəsinə fərdi qaydada baxılmasının mövcud praktikasını qoruyub saxlamağa çalışmışdır. Məsələn, FİFA rəhbərliyi qəfil dopinq yoxlamaları keçirilməsi üçün futbolçuların ünvanlarının müvafiq quruma bildirilməsinin əleyhinə də çıxırdı.
Bundan başqa, yüksək vəzifəli futbol məmurlarının fikrincə, dopinq yoxlamalarını Ümumdünya Antidopinq Agentliyi deyil, milli federasiyalar keçirməlidirlər.
Bölmənin digər xəbərləri
