FRANSADA DÜNYA AZƏRBAYCANLILARININ HƏMRƏYLİYİGÜNÜ MÜNASİBƏTİLƏ TƏDBİR KEÇİRİLMİŞDİR

30.12.2006 [12:40]
Çap et
A⁺ A^-

AZƏRTAC-ın xüsusi müxbiri xəbər verir ki, Dünya Azərbaycanlılarının Həmrəyliyi günü münasibətilə ölkəmizin Fransadakı səfirliyi tədbir keçirmişdir.

Ölkəmizin Fransadakı səfiri Tarik Əliyev ümummilli lider Heydər Əliyev tərəfindən təsis edilmiş bu günün dünyanın müxtəlif guşələrində yaşayan azərbaycanlıları bir yerə toplamaq sahəsində xüsusi əhəmiyyət daşıdığını vurğulamışdır. Diplomat Fransadakı soydaşlarımızı öz doğma vətənləri ətrafında daha sıx birləşməyə çağırmış, iştirakçıları qarşıdan gələn Dünya Azərbaycanlılarının Həmrəyliyi günü, Qurban və Yeni il bayramları münasibətilə təbrik etmişdir.

Tədbir səfirlik tərəfindən təşkil edilmiş ziyafətlə başa çatmışdır.