Fransanın “TV5Monde” telekanalında Azərbaycanın turizm potensialını əks etdirən film nümayiş olunacaqdır
Bakı, 27 fevral (AZƏRTAC). Belçikada fəaliyyət göstərən "UNİCAP Television" şirkəti tərəfindən ölkəmizin turizm potensialını əks etdirən 13 dəqiqəlik film hazırlanmışdır.
Mədəniyyət və Turizm Nazirliyinin mətbuat xidmətindən AZƏRTAC-a bildirmişlər ki, filmdə Azərbaycana gəlmək istəyən əcnəbi vətəndaşlara ölkəmizin turizm infrastrukturu, mətbəxi, əl sənətkarlığı və turizm bölgələri haqqında dolğun məlumat verilir. Həmçinin filmdə Novruz bayramının Azərbaycanda təmtəraqlı şəkildə qeyd olunması xüsusilə vurğulanmışdır.
Filmin fevralın 27-də, martın 11-12 və 26-da Fransanın məşhur "TV5Monde" telekanalında nümayiş etdirilməsi nəzərdə tutulur.
Bölmənin digər xəbərləri
