GƏLƏCƏKDƏ KANADA PARLAMENTİNDƏ AZƏRBAYCANLI DEPUTAT TƏMSİL OLUNA BİLƏR
Kanadanın Yeni Demokratlar Partiyasının Orta Şərq üzrə politoloq-eksperti Aslan Xalidi AZƏRTAC-a bildirmişdir ki, Kanadanın Azərbaycan İcmasının üzvləri ölkə parlamentinə seçkilərdə iştirak etmək üçün azərbaycanlının namizədliyini irəli sürmək məqsədi ilə birləşmişlər.
A.Xalidi demişdir ki, partiyada daha çox azərbaycanlının təmsil olunması üçün bütün səylər birləşdirilmişdir. Partiyada azərbaycanlıların sayı artdıqca bəzi üzv ermənilər qurumun sıralarını tərk edirlər.
Kanada parlamentinə seçkilər üç ay əvvəl keçirilmişdir. Növbəti seçkilər isə 2012-ci ilə təyin edilmişdir. Həmin il Kanada parlamentinə azərbaycanlının namizədliyi irəli sürüləcəkdir.
Bölmənin digər xəbərləri
