Həştərxanda Azərbaycan xalqının ümummilli lideri Heydər Əliyevin yubileyinə həsr olunmuş “dəyirmi masa” keçirilmişdir
Moskva, 27 mart (AZƏRTAC). Həştərxanda Azərbaycan xalqının ümummilli lideri Heydər Əliyevin 90 illik yubileyinə həsr olunmuş “dəyirmi masa” keçirilmişdir.
Tədbirdə vilayətin ictimai təşkilatlarının nümayəndələri, veteranlar, gənclər iştirak etmişlər.
Rusiya Azərbaycanlıları Konqresi regional şöbəsinin sədri, ehtiyatda olan xüsusi xidmət polkovniki Ədalət Hüseynovun “Heydər Əliyev dövlət təhlükəsizliyi orqanlarında” mövzusunda məruzəsi dinlənilmişdir. O, Elmira Axundovanın “Heydər Əliyev. Şəxsiyyət və zaman” kitabından məşhur çekistlərin xatirələrindən sitatlar gətirmiş, tədbir iştirakçılarının Heydər Əliyevin dövlət təhlükəsizliyi orqanlarında xidməti ilə bağlı suallarını cavablandırmışdır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
