HYUSTON-AZƏRBAYCAN TƏŞKİLATININ RƏQS QRUPU DÜNYA TÜRK FESTİVALINDA İŞTİRAK ETMİŞDİR
Avqustun 16-17-də ABŞ-ın Çikaqo şəhərində Dünya türk festivalı keçirilmişdir. Amerika Türk Cəmiyyətinin təşkil etdiyi tədbirin məqsədi türkdilli xalqların mədəniyyətlərini nümayiş etdirmək olmuşdur.
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişdir ki, Azərbaycan milli rəqslərinin ABŞ-da təbliği ilə məşğul olan Hyuston-Azərbaycan Təşkilatının nəzdindəki rəqs qrupu da ölkəmizin ABŞ-dakı səfirliyinin maliyyə dəstəyi sayəsində ilk dəfə olaraq bu festivalda iştirak etmişdir.
Türkiyə, Türkmənistan, Özbəkistan, Qırğızıstan, Qazaxıstan, Bosniya və Herseqovina, Makedoniya və Albaniyadan gələn qrupların da iştirak etdiyi festivalda Azərbaycan milli rəqsləri ifa olunmuş və böyük maraqla qarşılanmışdır. Bununla yanaşı, tədbir iştirakçılarına Azərbaycan haqqında ətraflı məlumat verimiş, ölkəmizlə bağlı videogörüntülər təqdim olunmuşdur.
######
Bölmənin digər xəbərləri
