İSRAİLDƏ KEÇİRİLƏCƏK BƏLƏDİYYƏ SEÇKİLƏRİNDƏ NAMİZƏDLƏR ARASINDA AZƏRBAYCANDAN KÖÇMÜŞ YƏHUDİLƏR DƏ VARDIR
AZƏRTAC xəbər verir ki, noyabrın 11-də İsraildə keçiriləcək bələdiyyə seçkilərində Azərbaycandan köçmüş yəhudilər-Adam Amilov və Mixemia Mixailli də iştirak edəcəklər.
Hər iki namizəd Azərbaycan-İsrail Beynəlxalq Assosiasiyasının (Azİs) vitse-prezidentləridir. Mixemia Mixailli seçkilərə Akko şəhərindən qatılmışdır və bu şəhərin meri vəzifəsi uğrunda mubarizə aparan namizədlər sırasındadır. Adam Amilov isə Kiryat Yam şəhərində merin muavini vəsifəsinə iddialıdır. O, əvvəllər bu şəhərin merinin müavini olmuşdur.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, həm Akko, həm də Kiryat Yam şəhərləri Azərbaycandan köçmüş yəhudilərin yığcam yaşadığı ərazilərdir.
Bölmənin digər xəbərləri
