KANADA AZƏRBAYCAN ASSOSİASİYALARI ASSAMBLEYASI TƏSİS EDİLMİSDİR

20.12.2006 [17:01]
Çap et
A⁺ A^-

AZƏRTAC xəbər verir ki, dekabrın 17-də Toronto şəhərində Ontario və Kvebek vilayətlərində fəaliyyət göstərən 8 təşkilatın - Kvebek Azərbaycanlıları Assosiasiyası, Kanada Azərbaycan Dostluq Assosiasiyası, Ontario Azərbaycanlıları İcması, Kanada Azərbaycan Əməkdaşlığı Assosiasiyası, Kanada Azərbaycan Ticarət Mərkəzi, Kanadada Azərbaycan Tələbələri Cəmiyyəti, Kanada Azərbaycan Qadınları Assosiasiyası və Kanada Azərbaycan Gənclər Assosiasiyasının təşəbbüsü ilə geniş toplantı keçirilmişdir.

Əvvəlcə Kanadadakı Azərbaycan diasporunun real vəziyyəti, nailiyyətlər və mövcud problemlər muzakirə olunmuş, müvafiq qərar qəbul edilmişdir.

Toplantı iştirakçıları Azərbaycan həqiqətlərinin, o cümlədən Vətənimizə qarşı erməni təcavüzünün ağır nəticələrinin dünya ictimaiyyətinə çatdırılması, ölkəmizin mövqeyinin və dövlətimizin xarici siyasətinin beynəlxalq qurumlar səviyyəsində dəstəklənməsi, azərbaycanlıların həmrəyliyinin və mütəşəkkilliyinin gücləndirilməsi və Kanadanın ictimai-siyasi həyatında fəal iştirakını təmin etmək məqsədi ilə Kanada Azərbaycan Assosiasiyaları Assambleyasını (KAAA) təsis etmişlər.

Assambleyanın nizamnaməsinin hazırlanması, onun dovlət qeydiyyatına alınması və 2007-ci ilin yanvarında ilk qurultayının keçirilməsi ilə əlaqədar 3 işçi qrupu yaradılmışdır.

Assambleyanın prezidenti vəzifəsinin dövri xarakter daşıması və quruma hər il bir təşkilatın rəhbərlik etməsi nizamnamənin əsas müddəalarından biri kimi qeyd edilmişdir.

KANADA AZƏRBAYCAN ASSOSİASİYALARI ASSAMBLEYASI TƏSİS EDİLMİSDİR

MÜƏLLİFLƏ ƏLAQƏ

Bölmənin digər xəbərləri