SİYASƏT
KANADADA “AZCAN NEWSPAPER” QƏZETİ NƏŞRƏ BAŞLAMIŞDIR
AZƏRTAC xəbər verir ki, Kanada Azərbaycan Təşkilatları Federasiyasının təşəbbüsü ilə bu ölkədə “AzCan Newspaper” qəzeti nəşrə başlamışdır. Kanada Azərbaycan Təşkilatları Federasiyasının mətbuat xidmətindən bildirmişlər ki, Azərbaycan və Anadolu türkcələri ilə bərabər ingilis dilində nəşr edilən qəzetdə türk dünyası, Azərbaycan və Türkiyə ilə bağlı xəbərlər yer almışdır. Bundan əlavə, qəzetin ilk nömrəsində oxuculara İraq türkmənləri, Qazaxıstan və Gürcüstan ilə bağlı geniş məqalələr təqdim olunmuşdur.
Qəzetdə Azərbaycan, Türkiyə, Kərkük, Türkmən, Balkan türklərini təmsil edən yazarlar ilə birlikdə ondan çox jurnalist fəaliyyət göstərir.