KANADADA BAKININ İŞĞALDAN AZAD EDİLMƏSİNİN 90-CI İLDÖNÜMÜNƏ HƏSR OLUNMUŞ TƏDBİR KEÇİRİLƏCƏKDİR
AZƏRTAC xəbər verir ki, sentyabrın 20-də Kanadanın Toronto şəhərində Bakının bolşevik - erməni işğalından azad edilməsinin 90-cı ildönümünə həsr olunmuş tədbir keçiriləcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, Kanada-Azərbaycan Assosiasiyaları Assambleyasının təşkil etdiyi tədbir “15 sentyabr 1918-ci ildə Bakının işğaldan azad olunması və Azərbaycan-Türkiyə qardaşlığının zəfəri” adlanır.
Tədbirdə ölkəmizin Kanadadakı səfirliyinin əməkdaşları, bu ölkədə fəaliyyət göstərən Azərbaycan və türk diaspor təşkilatlarının nümayəndələri və digər qonaqlar iştirak edəcəklər.
Bölmənin digər xəbərləri
