Krım Azərbaycandan turistlərin artacağına ümid edir
Kiyev, 6 aprel (AZƏRTAC). Krım Bakı və Simferopol arasında hava nəqliyyatının ilboyu təşkilində maraqlıdır, çünki o, turist axınının artmasına səbəb olacaqdır. AZƏRTAC bunu Ukrayna KİV-lərinə istinadla xəbər verir.
Ukraynanın Krım Muxtar Respublikası kurortlar və turizm naziri Aleksandr Liyev yerli KİV-lərə müsahibəsində demişdir ki, artıq iki ildir Azərbaycandan Krıma yay mövsüm reysi açılmışdır. Biz ilboyu uçuşların təşkili istiqamətində AZAL aviaşirkəti ilə danışıqlar aparırıq. Planlaşdırırıq ki, yay müddətində bu reys həftədə iki dəfə, qışda isə həftədə bir dəfə və daha az tutumlu təyyarələrlə həyata keçirilsin. İlboyu davam edən uçuşlar Azərbaycandan Krıma turist axınının artacağı ehtimalı yaratdığından bu mərhələdə belə vəziyyət bizi qane edir.
Zeynal Ağazadə
AZƏRTAC-ın xüsusi müxbiri
Kiyev
Bölmənin digər xəbərləri
