MƏMMƏD ƏLİYEV RUSİYA HÖKUMƏTİNİN MÜKAFATINA LAYİQ GÖRÜLMÜŞDÜR
AZƏRTAC-ın xüsusi müxbiri xəbər verir ki, tanınmış onkoloq alim və həkim, Rusiya Dövlət mükafatı laureatı, əməkdar elm xadimi Məmməd Əliyevin elm və texnika sahəsində nailiyyətlərinə görə 2006-cı il RF hökumətinin mükafatına layiq görülmüşdür.
Professor, tibb elmləri doktoru, Rusiya Tibb Elmləri Akademiyasının (RTEA) müxbir üzvü Məmməd Əliyev Rusiya təbabətinin inkişafı sahəsində böyük xidmətləri vardır. Həmvətənimiz 7 ixtiranın və 6 səmərələşdirmə təklifinin, habelə dərc olunmuş 200-dən çox elmi işin, o cümlədən iki monoqrafiya və bir kitabın müəllifidir. Onun rəhbərliyi ilə 13 namizədlik və 6 doktorluq dissertasiyası müdafiə edilmişdir.
Hazırda Məmməd Əliyev RTEA-nın “N.N.Bloxin adına Rusiya onkoloji elmi mərkəzi” dövlət müəssisəsi direktorunun elmi işləri üzrə müavini, Moskva Elmi Tədqiqat Uşaq Onkologiyası İnstitutunun direktoru, habelə Ümumrusiya Azərbaycan Konqresinin prezidentidir.
Bölmənin digər xəbərləri
