MƏRKƏZİ RAYON STADİONU ƏSASLI TƏMİR EDİLİR
Rayon icra hakimiyyətində AZƏRTAC-ın müxbirinə bildirmişlər ki, 2 min nəfər tamaşaçı yeri olan stadionun təmiri kürdəmirli iş adamlarının yardımı ilə aparılır. Respublika Gənclər, İdman və Turizm Nazirliyi tərəfindən stadiona min ədəd oturacaq verilmişdir.
Təmir işlərini 6 nömrəli ixtisaslaşdırılmış səyyar mexanikləşdirmə dəstənin kollektivi görür. Artıq burada baş tribunanın dam örtüyü dəyişdirilmiş, qapı-pəncərələr təmir edilmiş, divarlar rənglənmişdir. Hələlik yenidənqurma işlərinə 49 milyon manat vəsait sərf olunmuşdur. Stadion yaxın vaxtlarda idmansevərlərin ixtiyarına veriləcəkdir.
Bölmənin digər xəbərləri
