Moskvada “Azərbaycan görüşlər sənayesi” adlı tədbir təşkil olunacaq
Bakı, 28 oktyabr, AZƏRTAC
Mədəniyyət və Turizm Nazirliyinin nəzdində fəaliyyət göstərən Azərbaycan Konqreslər Bürosu və nazirliyin Rusiyadakı turizm nümayəndəliyi olan “Tour A Vent“ şirkətinin təşkilatçılığı ilə Moskvada “Azərbaycan görüşlər sənayesi” adlı tədbir təşkil olunacaq.
Nazirlikdən AZƏRTAC-a bildirilib ki, tədbirin keçirilməsi ölkəmizdə işgüzar turizmin inkişaf etdirilməsi, Rusiya bazarının Azərbaycan görüşlər sənayesinə olan marağının artırılması məqsədi daşıyır.
İkinci dəfə təşkil olunacaq bu işgüzar görüş noyabrın 3-də baş tutacaq və Rusiyanın işgüzar turizm sahəsində çalışan nüfuzlu təşkilat və vasitəçilərini büronun tərəfdaşları ilə bir araya gətirəcək. Görüşdə büronun tərəfdaş şirkətləri və Rusiya alıcıları arasında üz-üzə görüşlərin keçirilməsi də nəzərdə tutulur.
Bölmənin digər xəbərləri
