Murmanskda Azərbaycan stendinin nümayiş etdirildiyi “Çoxmillətli Murman” sərgisi açılmışdır
Bakı, 6 mart (AZƏRTAC). Murmansk vilayət diyarşünaslıq muzeyində “Çoxmillətli Murman” sərgisi açılmışdır. Sərgiyə təqribən iyirmi milli-mədəni birlik öz xalqının mədəniyyətindən, adət-ənənələrindən bəhs edən fotoşəkillər və milli geyimlər təqdim etmişdir.
“Ümumrusiya Azərbaycanlıları Konqresi” (ÜAK) ictimai təşkilatının və Rusiya Azərbaycanlı Gənclər Birliyinin (RAGB) Murmansk regional şöbəsinin mətbuat xidmətinin rəhbəri Əlihüseyn Şükürov AZƏRTAC-a bildirmişdir ki, sərgidə Azərbaycana həsr olunmuş stend yaradılmışdır. ÜAK-ın Murmansk şöbəsinin hazırladığı bu stenddə ölkəmizin dinamik iqtisadi inkişafını əks etdirən fotoşəkillər, Azərbaycan xalqının adət və ənənələrindən bəhs edən eksponatlar yerləşdirilmişdir.
Murmansk vilayətində 25 mindən çox azərbaycanlı yaşayır.
Bölmənin digər xəbərləri
