Murmanskda Məhəmməd Əmin Rəsulzadənin 130 illiyi qeyd olunmuşdur
Bakı, 13 fevral (AZƏRTAC). Murmanskda Məhəmməd Əmin Rəsulzadənin 130 illiyinə həsr olunmuş tədbir keçirilmişdir.
Rusiya Federasiyasının Murmansk vilayəti İctimai Palatasının üzvü, Ümumrusiya Azərbaycanlıları Konqresinin (ÜAK) Murmansk regional bölməsinin sədri Afil Hüseynov Azərbaycanın görkəmli siyasi xadiminin, Azərbaycan Xalq Cümhuriyyətinin banilərindən birinin parlaq həyat yolundan və elmi fəaliyyətindən söz açmışdır.
ÜAK-ın Murmansk bölməsinin mətbuat katibi Əlihüseyn Şükürov AZƏRTAC-a bildirmişdir ki, yubiley tədbirində milli diasporların nümayəndələri, jurnalistlər, ictimai xadimlər və İctimai Palatanın üzvləri iştirak etmişlər.
Tədbir çərçivəsində “Məhəmməd Əmin Rəsulzadə-130: Bir kərə yüksələn bayraq, bir daha enməz” adlı sərgi təşkil edilmişdir. Sərgidə Azərbaycan və məşhur azərbaycanlılar haqqında kitablar təqdim olunmuşdur.
Bölmənin digər xəbərləri
