Nəqliyyat, rabitə və yüksək texnologiyalar nazirinin Şabranda vətəndaş qəbulunun vaxtı dəyişib
Bakı, 12 mart, AZƏRTAC
Nəqliyyat, rabitə və yüksək texnologiyalar naziri Ramin Quluzadənin martın 15-də Şabran şəhərində nəzərdə tutulmuş görüşünün vaxtı dəyişdirilib.
Nazirlikdən AZƏRTAC-a bildirilib ki, nazir martın 29-da saat 12:00-da Şabran, Quba, Qusar, Xaçmaz və Siyəzən rayonlarının sakinlərinə göstərilən nəqliyyat, telekommunikasiya (o cümlədən, internet, televiziya və radio yayımı) və poçt xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.
Vətəndaşlardan “[email protected]” elektron poçt ünvanı, “1655” Çağrı mərkəzi, (012) 598-38-18 nömrəli telefon vasitəsilə (regionlardan edilən zənglər pulsuzdur) əlaqə saxlayıb qəbula yazılmaları xahiş olunur.
Eyni zamanda, qəbula gəlmək istəyən vətəndaşlar, zərurət yaranarsa yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar. Bunun üçün Şabran rayonunda (023) 353-20-04, Quba rayonunda (023) 335-50-50, Qusar rayonunda (023) 385-31-57, Xaçmaz rayonunda (023) 325-22-18, Siyəzən rayonunda (023) 304-01-20 nömrəli telefonlara zəng etmələri xahiş edilir.
Bölmənin digər xəbərləri
