ÖZBƏKİSTANDA DAHA BİR AZƏRBAYCAN MƏDƏNİYYƏT MƏRKƏZİ AÇILMIŞDIR
AZƏRTAC xəbər verir ki, Özbəkistanın Zərövşən vilayətində daha bir Azərbaycan Mədəniyyət Mərkəzi açılmışdır. Bu münasibətlə keçirilən tədbirdə Zərövşən vilayəti rəhbərliyinin nümayəndələri, bu bölgədə fəaliyyət göstərən digər xalqların mədəniyyət mərkəzlərinin təmsilçiləri, eləcə də Özbəkistandakı Azərbaycan Mədəniyyət Mərkəzləri Assosiyasiyasının sədri Akif Ağatalıbov iştirak etmişlər.
Tədbirdə çıxış edənlər Özbəkistandakı müxtəlif xalqların mədəniyyət mərkəzlərinin rolundan, məqsədlərindən, xalqlar arasında dostluq münasibətlərinin daha da möhkəmləndirilməsi sahəsində fəaliyyətindən danışmışlar.
Açılış mərasimində yeni mədəniyyət mərkəzinin məqsədi və fəaliyyəti barədə də ətraflı məlumat verilmişdir.
Bölmənin digər xəbərləri
