Pərviz Şahbazov: Qarabağda “yaşıl enerji” zonasına dair konsepsiya hazırlanıb
Bakı, 5 noyabr, AZƏRTAC
İşğaldan azad edilmiş ərazilərdə “yaşıl enerji” zonasının tətbiq edilməsinə dair konsepsiya hazırlayırıq. İşlər demək olar ki, sona çatdırılıb, hazırda hökumətlə razılaşdırılma mərhələsindədir.
AZƏRTAC xəbər verir ki, bu barədə energetika naziri Pərviz Şahbazov jurnalistlərə açıqlamasında deyib.
Nazirin sözlərinə görə, bu konsepsiya Qarabağda enerji istehsalının tam şəkildə bərpa olunan enerji vasitəsilə həyata keçirilməsinə imkan verəcək. Sözü gedən konsepsiya işğaldan azad olunmuş bütün ərazilərdə tətbiq ediləcək.
Bölmənin digər xəbərləri
