“Qalatasaray”ın yeni transferi İlkay Gündoğan bu gün İstanbulda olacaq
Bakı, 2 sentyabr, AZƏRTAC
Türkiyənin “Qalatasaray” klubunun “Mançester Siti”dən transfer etdiyi İlkay Gündoğan İngiltərədən ayrılıb.
AZƏRTAC xəbər verir ki, bu barədə tanınmış insayder Fabritsio Romano məlumat yayıb.
Mənbənin sözlərinə görə, türkəsilli almaniyalı yarımmüdafiəçi tibbi müayinədən keçmək və rəsmi müqavilə imzalamaq üçün bu gün İstanbulda olacaq.
34 yaşlı futbolçu ilə 2 illik müqavilə imzalanacaq.
Qeyd edək ki, İlkay Gündoğan Almaniyanın “Borussiya” (Dortmund) və İspaniyanın “Barselona” komandalarında da çıxış edib.
Bölmənin digər xəbərləri
