Qanunsuz yolla satışa çıxarılan taxta materialı tutulmuşdur
Bakı, 1 iyun (AZƏRTAC). Ekologiya və Təbii Sərvətlər Nazirliyi may ayı ərzində yerli meşə materiallarının qanunsuz yolla əldə edilməsi, daşınması və satılması hallarının qarşısını almaq məqsədi ilə reydlər keçirmişdir.
Nazirliyin mətbuat xidmətindən AZƏRTAC-a bildirmişlər ki, Bakının Qaradağ rayonu ərazisində “KamAZ” markalı 42-BK-264 dövlət nömrə nişanlı yük maşınında sənədsiz 3088,98 manat nırx dəyərində, 15,91 kubmetr həcmində fıstıqdan hazırlanmış taxta materialı aşkar edilmişdir.
Faktla bağlı toplanmış materiallar Azərbaycan Respublikası Baş Prokurorluğuna göndərilmişdir.
Reydlər davam etdirilir.
Bölmənin digər xəbərləri
