“Qarabağ”ın hücumçusu daha bir klubun maraq dairəsinə düşüb
Bakı, 26 dekabr, AZƏRTAC
“Qarabağ”ın futbolçusu Redon Cica daha bir klubun maraq dairəsinə düşüb.
AZƏRTAC xarici mətbuata istinadən xəbər verir ki, Albaniyanın “Eqnatiya” komandası 26 yaşlı hücumçunu heyətinə qatmaq istəyir.
Qış fasiləsinə 4-cü pillədə yollanan kollektiv qış fasiləsində heyətini yeni oyunçularla gücləndirmək niyyətindədir. İddiaya görə, həmin futbolçulardan biri də məhz “Qarabağ”ın forvardıdır.
Daha əvvəl Albaniyanın digər təmsilçisi “Partizani”nin də təcrübəli futbolçu ilə maraqlandığı bildirilib.
Qeyd edək ki, Redon Cica “Qarabağ”a 2023-cü ilin yanvar ayında Albaniyanın “Tirana” klubundan keçib. Onun Ağdam təmsilçisi ilə 2026-cı il iyunun 30-na qədər müqaviləsi var.
Bölmənin digər xəbərləri
