Qazaxıstanın Aktau şəhərində yaşayan və təhsil alan azərbaycanlı tələbələrin saytı yaradılmışdır
Aktau, 26 mart (AZƏRTAC). Azərbaycanın Qazaxıstanın Aktau şəhərindəki baş konsulluğunun dəstəyi ilə Məngistay vilayətində və ətraf bölgələrdə yaşayan və təhsil alan azərbaycanlı tələbə-gənclər arasında əlaqələrin daha da dərinləşdirilməsi, onların azərbaycançılıq ideyaları ətrafında birləşdirilməsi məqsədi ilə www.azstudents.kz saytı yaradılmışdır.
Saytda Azərbaycan və Qazaxıstan haqqında geniş materiallar yerləşdirilmiş, bu ölkələrin ictimai-siyasi həyatı ilə əlaqədar müntəzəm olaraq məlumatlar veriləcəkdir. Burada həmçinin oxucular konsulluğumuzun və azərbaycanlı tələbələrin iştirakı ilə keçirilən tədbirlər, görülən işlər haqqında da xəbər ala biləcəklər.
Saytda gənclərimizin bir-biri ilə ünsiyyət qurması üçün çat, həmçinin digər sosial şəbəkələrdə olan azərbaycanlı gənclərin qruplarına daxil olmaq imkanı da yaradılmışdır.
Qulu Kəngərli
AZƏRTAC-ın xüsusi müxbiri
Aktau
Bölmənin digər xəbərləri
