Qeyri-neft-qaz sektoru üzrə büdcə daxilolmaları 7 faizədək artıb
Bakı, 27 iyul, AZƏRTAC
Dövlət büdcəsinin qeyri-neft-qaz sektoru üzrə daxilolmaları cari ilin yanvar-iyun ayları üzrə dövlət büdcəsinin ümumi daxilolmalarının 57,3 faizini (2025-ci ilin müvafiq dövrü ilə müqayisədə 5,4 faiz çox) təşkil etməklə 10 milyard 981 milyon manat olub ki, bu da proqnozla müqayisədə 329,1 milyon manat və ya 3,1 faiz, ötən ilin müvafiq dövrü ilə müqayisədə isə 703,8 milyon manat və ya 6,8 faiz çoxdur.
Maliyyə Nazirliyindən AZƏRTAC-a bildirilib ki, bu ilin yanvar-iyun aylarında dövlət büdcəsinin gəlirlərində qeyri-neft-qaz sektoru üzrə daxilolmaların 64,3 faizini və ya 7 milyard 64,5 milyon manatını vergi orqanlarının xətti ilə daxilolmalar, 28,6 faizini və ya 3 milyard 143,6 milyon manatını gömrük orqanlarının xətti ilə daxilolmalar, 3,2 faizini və ya 350,7 milyon manatını dövlət büdcəsindən maliyyələşdirilən təşkilatlarının ödənişli xidmətlərindən daxilolmalar, 3,6 faizini və ya 394 milyon manatını sair daxilolmalar, 0,3 faizini və ya 28,2 milyon manatını dövlət əmlakının icarəyə verilməsindən daxilolmaları təşkil edib.
Bölmənin digər xəbərləri
