SİYASƏT
Şahin Ömərov Xarkov vilayətinin Milli-Mədəni Birlikləri Şurasının rəhbər heyətinə seçilmişdir
Kiyev, 11 fevral (AZƏRTAC). Ukraynanın Xarkov Vilayət Dövlət Administrasiyasında ölkənin bu ən iri sənaye, aqrar və humanitar regionunun yenidən yaradılan Milli-Mədəni Birlikləri Şurasının rəhbər heyətinə seçkilər keçirilmişdir.
Xarkovda Azərbaycan diasporunun maraqlarını təmsil etmək üçün Azərbaycan-Ukrayna “Dostluq” Cəmiyyətindən Şahin Ömərovun namizədliyi irəli sürülmüşdür.
Səsvermənin yekunlarına görə, cəmiyyətin idarə heyətinin üzvü, Ukrayna-Azərbaycan Biznes Şurasının prezidenti Şahin Ömərov Xarkov vilayətinin Milli-Mədəni Birlikləri Şurası həmsədrinin müavini vəzifəsinə seçilmişdir.
Zeynal Ağazadə
AZƏRTAC -ın xüsusi müxbiri
Kiyev