Şahmatçımız Məhəmməd Muradlı beynəlxalq turnirin qalibi olub
Bakı, 22 iyul, AZƏRTAC
Azərbaycan şahmatçısı Məhəmməd Muradlı İsveçrənin Bill şəhərində təşkil olunan beynəlxalq şahmat festivalının qalibi olub.
AZƏRTAC xəbər verir ki, sonuncu turda yarışın iki lideri - həmyerlimiz Məhəmməd Muradlı və FIDE təmsilçisi Kiril Alekseyenko qarşılaşıb. Partiya heç-heçə ilə başa çatıb. Yekunda 7 xal qazanan şahmatçımız əlavə göstəricilərə əsasən, yarışın qalibi adını qazanıb. Rəqibi Kiril Alekseyenko isə ikinci yerlə kifayətlənib.
Qeyd edək ki, festivalda ümumilikdə 114 şahmatçı iştirak edib.
Bölmənin digər xəbərləri
