ŞƏHİDLƏRİMİZİN XATİRƏSİ LONDONDA DA ANILACAQ
AZƏRTAC xəbər verir ki, yanvarın 20-də Böyük Britaniyanın paytaxtı London şəhərində 20 Yanvar faciəsinin 17-ci ildönümünə həsr olunmuş tədbir keçiriləcəkdir.
Xarici Ölkələrdə Yaşayan Azərbaycanlılarla İş üzrə Dövlət Komitəsindən bildirmişlər ki, tədbirin təşkilatçıları London Azərbaycanlı Gənclər Klubu və Kaspian-Xəzri Azərbaycan məktəbidir. Bu barədə Xarici Ölkələrdə Yaşayan Azərbaycanlılarla İş üzrə Dövlət Komitəsinə London Azərbaycanlı Gənclər Klubundan məlumat verilmişdir.
Mərasimdə keçmiş sovet hərbi birləşmələrinin törətdiyi qanlı terror nəticəsində amansızlıqla qətlə yetirilmiş 20 Yanvar şəhidlərinin xatirəsi ehtitamla anılacaq, onların qəhrəmanlıqlarını əks etdirən film göstəriləcəkdir.
Bölmənin digər xəbərləri
