Şəhidlərin xatirəsi qəhrəman Murmansk şəhərində də yad ediləcəkdir
Bakı, 17 yanvar (AZƏRTAC). Ümumrusiya Azərbaycanlıları Konqresinin (ÜAK) Murmansk şöbəsi Bakıda 1990-cı il yanvar hadisələrinin 23-cü ildönümünün keçirilməsinə dair tədbirlər planı hazırlamışdır.
Şöbənin ofisində qanlı faciəyə həsr olunmuş fotoekspozisiyanın, kitab sərgisinin açılması planlaşdırılır. Azərbaycan diasporunun üzvləri dualar oxuyacaq, ehsan verəcəklər. Bu barədə AZƏRTAC-a Azərbaycan diasporunun fəal üzvü Əlihüseyn Şükürov məlumat vermişdir.
Azərbaycan Respublikasının tarixində faciəvi günə həsr olunmuş tədbirlərə jurnalistlər, Murmansk vilayətinin bələdiyyə və hökumət orqanlarının nümayəndələri dəvət olunmuşlar.
Qeyd etmək lazımdır ki, Ümumrusiya Azərbaycanlıları Konqresinin Murmansk şöbəsinin fəalları dünyanın parlament üzvlərinə müraciət, Bakıda 1990-cı ilin yanvar hadisələrinin 23-cü ildönümünə həsr olunmuş press-relizlər və məqalələr hazırlamışlar. Bunlar Rusiya Federasiyasının Murmansk vilayəti hökumətinin rəsmi saytında və bir sıra regional KİV-lər dərc olunacaqdır.
Bölmənin digər xəbərləri
