Bakı, 1 sentyabr (AZƏRTAC). “Azərenerji” ASC-nin mətbuat xidmətindən AZƏRTAC-a bildirilib ki, “bu ilin iyul ayında Səngəçal” elektrik stansiyası üzrə 57.4 milyon kilovat-saatdan artıq elektrik enerjisi istehsal edilib. Ötən 7 ayda isə burada 468,4 milyon kilovat-saata yaxın elektrik enerjisi istehsal olunub.

Həyata keçirilmiş tədbirlər nəticəsində elektrik enerji istehsalının digər texniki göstəricilərində də yüksək nəticələr qeydə alınıb. Eyni zamanda, son üç ayda fəaliyyətdə olan aqreqatlarda əsaslı təmir işləri aparılıb. Ümumi gücü 300 meqavat olan bu elektrik stansiyası 18 aqreqatdan ibarətdir.