Su hövzələrindən 1780 metr uzunluğunda 28 ədəd sintetik tor götürülüb
Bakı, 19 aprel, AZƏRTAC
“Hövzələri sintetik torlardan birlikdə təmizləyək” layihəsi çərçivəsində vətəndaşlardan daxil olan koordinatlar əsasında sintetik torların yığışdırılması davam edir.
AZƏRTAC Ekologiya və Təbii Sərvətlər Nazirliyinin rəsmi feysbuk səhifəsinə istinadla xəbər verir ki, bu dəfə aksiya çərçivəsində Dövlət Ekoloji Təhlükəsizlik Xidmətinin əməkdaşları tərəfindən Xəzər dənizi akvatoriyasından, Kür çayından, Şəmkir və Ağstafaçay su anbarlarından 1780 metr uzunluğunda 28 ədəd sintetik tor götürülüb.
Nazirlik layihəyə dəstək olaraq fəallıq nümayiş etdirən və su hövzələrində rast gəldikləri sintetik torlar barədə quruma məlumat verən bütün vətəndaşlara təşəkkür edir, onları hövzələrin mühafizəsində daha aktiv iştirak etməyə çağırır.
Bölmənin digər xəbərləri
