Tikinti sahəsinə düşən 14 ağac başqa əraziyə köçürülmüşdür
Bakı, 3 iyun (AZƏRTAC). Ekologiya və Təbii Sərvətlər Nazirliyinə (ETSN) Mərkəzi Klinika rəhbərliyinin xəstəxana ərazisində aparılan əsaslı təmir-tikinti və yenidənqurma işləri ilə əlaqədar ağacların köçürülməsi barədə müraciəti daxil olmuşdur.
Nazirliyin mətbuat xidmətindən AZƏRTAC-a bildirmişlər ki, “Azəryaşlandşaft” ASC-nin mütəxəssisləri əraziyə baxış keçirmiş, tikinti altına düşən 14 ağac xüsusi texnikanın köməyi ilə qanunvericiliyə uyğun qaydada başqa əraziyə köçürülmüşdür.
Qeyd edək ki, idarə və təşkilatlara məxsus ərazilərdən ağacların köçürülməsi, yalnız həmin qurumun ETSN-ə müvafiq rəsmi müraciəti əsasında, xüsusi razılıq olduğu zaman həyata keçirilir.
Bölmənin digər xəbərləri
