Tovuz rayonunda yeni meşələr salınır
Tovuz, 9 noyabr (AZƏRTAC). Tovuz meşə mühafizəsi və bərpası müəssisəsi cari ildə 90 hektar ərazidə yeni meşə sahəsi salmağı planlaşdırır. Artıq yaz aylarında meşəçilər tərəfindən 46 hektar sahədə meşə salınmışdır.
Müəssisədən AZƏRTAC-a bildirmişlər ki, payızda salınacaq 44 hektar meşə sahəsinin yeri hazırlanmış və əkinə başlanılmışdır. Bundan başqa, müəssisə tərəfindən 275 kiloqram qiymətli ağac növlərinin toxumu tədarük edilərək 1 hektar sahədə yeni tinglik salınmışdır. Eyni zamanda, qanunsuz ağac kəsənlərə qarşı mübarizə tədbirləri də gücləndirilmişdir. Cari ildə tərtib olunmuş aktların əsasında ödənilən cərimələr büdcəyə köçürülmüşdür.
Bölmənin digər xəbərləri
