Türkiyədə aparılan tədqiqatların nəticələri AFAD-a təqdim olunacaq
Bakı, 19 aprel, AZƏRTAC
Türkiyədə zəlzələ bölgəsində Azərbaycan seysmoloqları qravimetrik, maqnitometrik, mühəndisi seysmik və makroseysmik tədqiqatlar aparıblar. Tədqiqatlardan əldə edilən məlumatlar emal olunur. Araşdırmalar nəticəsində hesabat hazırlanaraq Türkiyə DİN-in Təbii Fəlakət və Fövqəladə Halların İdarə Edilməsi Agentliyinə (AFAD) təqdim olunacaq.
AZƏRTAC xəbər verir ki, bunu Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru Qurban Yetirmişli Türkiyədə aparılan tədqiqatlara dair keçirilən mətbuat konfransında deyib.
Q.Yetirmişli bildirib ki, Kahramanmaraş şəhərinin Pazarcık ərazisi seysmik cəhətdən çox aktiv zonadır. Zəlzələnin episentri də həmin əraziyə düşmüşdü. İlkin məlumata görə 650 mindən çox mənzil yenidən tikilməlidir.
Bölmənin digər xəbərləri
