Tut ağacını kəsən cərimələnib
Bakı, 26 fevral, AZƏRTAC
Qaradağ rayonu, Sahil qəsəbəsi, S.Balaqardaşov küçəsində kəsilən ağacla əlaqədar daxil olan şikayəti Ekologiya və Təbii Sərvətlər Nazirliyinin əməkdaşları yerində araşdırıblar.
Nazirliyin mətbuat xidmətindən AZƏRTAC-a verilən məlumata görə, həmin ünvana keçirilən baxış zamanı diametri 20-24 santimetr olan tut ağacının kəsildiyi aşkar edilib. Araşdırma zamanı ağacı Sahil qəsəbə sakini Kamil Paşayevin kəsdiyi və təbiətə 600 manat məbləğində ziyan dəydiyi məlum olub.
Faktla bağlı qanun pozucusu barəsində protokol tərtib edilib və 2 min manat məbləğində cərimələnib.
Bölmənin digər xəbərləri
