UDMURTİYA AZƏRBAYCANLILARI DİASPORUN YARANMASININ YUBİLEYİNİ QEYD EDƏCƏKLƏR
AZƏRTAC xəbər verir ki, azərbaycanlıların Udmurtiya Respublikasının Qlazov şəhərində fəaliyyət göstərən “Odlar yurdu” diaspor təşkilatı bu ictimai qurumun yaranmasının 15 illik yubileyi ilə bağlı bayram tədbirlərinə hazırlıq görür. Şənliklər 2009-cu ilin mayında keçiriləcəkdir.
Bununla bağlı Qlazov azərbaycanlıları şəhər administrasiyasının mədəniyyət və gənclər siyasəti idarəsi və 4 nömrəli uşaq incəsənət məktəbi ilə birlikdə “Odlar Yurdu - Azərbaycan” uşaq rəsmləri müsabiqəsinin keçirildiyini elan etmişlər. Müsabiqəyə may ayında, keçiriləcək bayram tədbirləri çərçivəsində yekun vurulacaqdır.
Ən yaxşı işlər Azərbaycan diasporu tərəfindən təsis edilmiş fəxri fərmanlara və hədiyyələrə layiq görüləcəkdir.
Bölmənin digər xəbərləri
