Volodimir Zelenski mayın 13-də Almaniyaya gedəcək
Bakı, 3 may, AZƏRTAC
Ukrayna Prezidenti Volodimir Zelenski mayın 13-14-də Berlində səfərdə olacaq.
AZƏRTAC N-TV telekanalına istinadla xəbər verir ki, Ukrayna Prezidentinin təyyarəsi Willy Brandt adına Berlin-Brandenburq aeroportunun hərbi hissəsinə enəcək. Volodimir Zelenski aeroportda Almaniya kansleri Olaf Şolts tərəfindən qarşılanacaq. İli lider görüşdən sonra ortaq mətbuat konfransı keçirəcək.
Ukrayna lideri Almaniya Prezidenti Frank-Valter Ştaynmayer ilə də görüşdükdən sonra helikopterlə Axen şəhərinə gedəcək və burada ona Böyük Karl mükafatı təqdim olunacaq.
Səfərə hazırlıqlar başladığı üçün Almaniya polisi təhlükəsizlik tədbirləri ilə bağlı məlumat verməkdən imtina edib.
Bölmənin digər xəbərləri
