“YAŞAT” Fondunun rəhbəri məktəblilərlə görüşəcək
Bakı, 3 noyabr, AZƏRTAC
Bakı Şəhəri üzrə Təhsil İdarəsi tərəfindən reallaşdırılan “Məktəbdə...” layihəsinin növbəti qonağı “YAŞAT” Fondunun rəhbəri, Qarabağ qazisi Elvin Hüseynovdur.
Təhsil İdarəsindən AZƏRTAC-a bildirilib ki, görüş noyabrın 5-də paytaxtdakı 151 nömrəli tam orta ümumtəhsil məktəbində keçiriləcək.
Görüşdə məktəb və müəllimin insan həyatındakı rolu, mənəvi-əxlaqi dəyərlərə hörmət, vətənpərvərlik hisslərinin aşılanmasında məktəbin üzərinə düşən vəzifələr, yeniyetmə və gənclərdə Vətən, torpaq sevgisi, ictimai məsuliyyət hissi və digər maraq doğuran mövzular ətrafında söhbətlər aparılacaq, məktəbliləri düşündürən suallara aydınlıq gətiriləcək.
Bölmənin digər xəbərləri
