Yay turizm mövsümü ilə əlaqədar müxtəlif istiqamətlərdə monitorinqlərə başlanılmışdır
Bakı, 20 may (AZƏRTAC). Azərbaycan Turizm Assosiasiyası yay turizm mövsümü ilə əlaqədar müxtəlif istiqamətlərdə monitorinqlərə başlamışdır.
Qurumun idarə heyətinin sədri Nahid Bağırov AZƏRTAC-a bildirmişdir ki, bir neçə regionda, o cümlədən Qəbələ, Quba və Qusarda yerləşən otel və istirahət mərkəzlərində müvafiq monitorinqlər aparılmışdır.
Növbəti monitorinqlər cənub bölgəsini (Lənkəran, Astara və Masallı) əhatə edəcəkdir. Monitorinqlər zamanı qiymətlərə və xidmətin keyfiyyətinə ciddi nəzarət edilir. Qiymətlərdə demək olar ki, heç bir dəyişiklik yoxdur. Problem xidmətin keyfiyyətindədir. Bu da ildən-ilə tədricən öz həllini tapır.
Vurğulanmışdır ki, Mədəniyyət və Turizm Nazirliyi və Azərbaycan Turizm Assosiasiyası bu istiqamətdə mütəmadi olaraq kurslar təşkil edirlər.
Bölmənin digər xəbərləri
