Yeni Ağcakənd meşəbəyliyində baş verən yanğın söndürülüb
Bakı, 7 avqust, AZƏRTAC
Avqustun 7-də saat 14 radələrində Goranboy Meşə Mühafizəsi və Bərpası Müəssisəsinin Yeni Ağcakənd meşəbəyliyinin 8a saylı dolayında naməlum səbəblərdən yanğın hadisəsi baş verib.
Yanğın Ekologiya və Təbii Sərvətlər Nazirliyinin (ETSN) və Fövqəladə Hallar Nazirliyinin yerli qurumlarının əməkdaşlarının səyləri nəticəsində qısa müddətdə söndürülüb.
ETSN-in mətbuat xidmətindən AZƏRTAC-a bildirilib ki, yanğın 50 sot ərazini əhatə edib. Quru ot və kol örtüyü yansa da, meşə fonduna ciddi ziyan dəyməyib.
Yanğının səbəbləri və dəymiş ziyanın müəyyən olunması istiqamətində iş aparılır.
Bölmənin digər xəbərləri
