ABŞ-da kommersiya neft ehtiyatları 445 milyon bareli ötüb
Bakı, 10 avqust, AZƏRTAC
Ötən həftənin yekunlarına görə, ABŞ-da kommersiya neft ehtiyatları 5 milyon 851 min barel artaraq, 445 milyon 622 min barel təşkil edib.
AZƏRTAC xəbər verir ki, bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilir.
Məlumata əsasən, bundan öncə analitiklər ABŞ-ın kommersiya neft ehtiyatlarının 567 min barel artacağını proqnozlaşdırırdı.
ABŞ-ın neft ehtiyatları haqqında məlumatlar dünya bazarında “qara qızıl”ın qiymətinə əhəmiyyətli dərəcədə təsir edir.
Bölmənin digər xəbərləri
