Ançelotti, Konte, Alleqri və Mançini İtaliya millisinin baş məşqçisi postuna namizəddir
Bakı, 14 noyabr, AZƏRTAC
İtaliya Futbol Federasiyası (IFF) tez bir zamanda milli komandanın baş məşqçisi Campyero Venturu ilə yollarını ayırmaq istəyir.
AZƏRTAC xarici KİV-lərə istinadən xəbər verir ki, qərar baş məşqçi ilə IFF-nin prezidenti Karlo Tavekko arasında keçiriləcək görüşdən sonra qəbul olunacaq.
İtaliya milli komandasının baş məşqçi postuna namizədlər isə Karlo Ançelotti, Antonio Konte, Massimiliano Alleqri və Roberto Mançinidir.
Xatırladaq ki, İtaliya pley-off mərhələsində İsveçə məğlub olduğu üçün dünya çempionatının final mərhələsinə adlaya bilməyib.
Bölmənin digər xəbərləri
