ASTARANIN GƏNC İDMANÇILARI RESPUBLİKA TURNİRİNDƏ FƏRQLƏNMİŞLƏR

17.06.2004 [11:54]
Çap et
A⁺ A^-

AZƏRTAC-ın müxbiri xəbər verir ki, Salyan şəhərində Azərbaycanın görkəmli kənd təsərrüfatı mütəxəssisi, Sosialist Əməyi Qəhrəmanı Qüdrət Səmədovun xatirəsinə həsr olunmuş yeniyetmələr arasında respublika turnirində Astara rayon uşaq-gənclər idman məktəbinin yetirmələri fərqlənmişlər.

1989-1991-ci il təvəllüdlü yeniyetmələrin yarışında Astaranın gənc pəhləvanı Ruslan Rəsulov bütün görüşləri udaraq qızıl medala layiq görülmüşdür.

Astara şəhər 2 nömrəli orta məktəbin ikinci sinif şagirdi R.Rəsulov turnirdə, həmçinin ən gənc və perspektivli idmançı kimi də mükafatlandırılmışdır.

Astaranın digər gənc pəhləvanı Əjdər Mehdizadə 38 kiloqram çəki dərəcəsində ikinci yeri tutaraq gümüş medala layiq görülmüşdür.

Qaliblərə turnirin kubokları, fəxri fərmanları və pul mükafatları təqdim olunmuşdur.